Njoftime 26.10.2022
Zhvillohet takimi me përfaqësues të programit gjerman për internshipe në Gjermani
Data: 28 tetor
Vendi: Salla “Silvano Pedrollo”
Ora: 10.00
Në kuadër të ofrimit të mundësive për internshipe, praktika mësimor etj, ju njoftojmë se ditën e premte, në orën 10.00, në ambjentet e Rektoratit të Universitetit Politeknik të Tiranës, në sallën “Silvano Pedrollo” do të zhvillohet një takim me përfaqësues të programit gjerman mbi mundësitë që jep ky program për të kryer internshipe në Gjermani. Ky internship ofrohet për studentët e Ballkanit dhe kryesisht në fushat inxhinierike.
Kjo praktikë profesionale zgjat tre deri në gjashtë muaj në një nga kompanitë lider gjermane, ku në fund do të keni mundësinë të zgjeroni njohuritë e fituara gjatë studimeve, t’i zbatoni ata në praktikë dhe të zbuloni se çfarë do të dëshironi të bëni në vazhdim.
Studentët e gjeneratës së ardhshme, të cilët do të jenë përfitues të bursave do të fillojnë praktikat e tyre më 1 Korrik 2023.
Ju ftojmë të bëheni pjesë e këtij takimi, për t’u njohur me këtë program prestigjioz, ku koordinatorja e programit do të jetë e gatshme të japë detaje për mënyrën e aplikimit dhe për çdo pyetje që mund t’ju lindë.
Për më tepër detaje klikoni këtu