Njoftime 11.12.2024
Workshop: "Zhvillimi i Përsosmërisë Individuale në Mësimdhënie",
Më 4 Nëntor 2024, Fakulteti i Inxhinierisë Mekanike, Universiteti Politeknik i Tiranës organizoi një workshop me temën "Zhvillimi i Përsosmërisë Individuale në Mësimdhënie", organizuar në bashkëpunim me Universitetin e Tiranës, Universitetin Siegen-it dhe DAAD (German Academic Exchange Service).
Ky seminar vijues është pjesë e një nisme bashkëpunuese me Universitetin e Siegen, duke synuar të ofrojë trajnime të vlefshme profesionale për stafin tonë mësimdhënës.
Pjesëmarrësit patën mundësinë të ndajnë metoda inovative të mësimdhënies, praktikat më të mira dhe të eksplorojnë mënyra për të përmirësuar mësimdhënien individuale.
Vlerësojmë kontributin e të gjithë të pranishmëve, veçanërisht Prof. Dr.-Ing. Dr. h. c. Thomas Carolus si dhe dy përfaqësuesit nga Universiteti i Siegen-it, Znj. Sandra Schönauer dhe Znj. Melanie Müller, të cilët pranuan ftesën tone për të marrë pjesë në seminar, pjesëmarrja e të cilëve pasuroi seminarin dhe ofroi perspektiva të vlefshme për arsimin e lartë.
Na mbetet të zbatojmë njohuritë e marra nga ky seminar dhe të vazhdojmë angazhimin tonë të përbashkët për avancimin e përsosmërisë akademike.